Dieđut Riektebálvalusvirgedoaimmahagas

Riektebálvalusvirgedoaimmahat lágida almmolaš riekteveahki, almmolaš ovdduidgohcima ja ekonomiija- ja vealgerávvema bálvalusaid. Dáid bálvalusaid buvttadit Manner-Suoma 22 vuoigatvuođaveahkkedoaimmahaga ja 22 ovdduidgohcindoaimmahaga ja Ålándda vuoigatvuođaveahkke- ja ovdduidgohcindoaimmahat.  

Riektebálvalusvirgedoaimmahat lea stáhta virgedoaimmahat, man doaimmaid stivre riekteministeriija.

Riektebálvalusvirgedoaimmahaga máŋgga doaibmasaji guovddášhálddahus dikšu doaimmahagaid doarjja- ja hálddahusbálvalusaid ja ovddida virgedoaimmahaga doaimmaid.

Riektebálvalusvirgedoaimmahagas barget sullii 1300 olbmo.

Min bálvalusat

Riekteveahkki veahkeha olbmuid vuoigatvuođalaš čuolmmain máŋgga iešguđet vuoigatvuođa suorggis. Doaibma vuođđuduvvá ámmátmáhtolaš ja rievttesáigásaš áššehasbálvalussii.

Ovdduidgohcimis buvttadit almmolaš ovdduidgohcima bálvalusaid olbmuide, geat eai nagot gohcit ovdduideaset dahje dikšut áššiideaset buohcuvuođa dahje eará siva dihtii.

Ekonomiija- ja vealgerávvemis oažžu rávvagiid árgabeaivvi buotlágan ekonomiijaáššiide, dego ruhtageavaheami plánemii ja bušeahta čuovvumii ja veahki velggiide laktáseaddji gažaldagain.

Riektebálvalusvirgedoaimmahaga hovdengoddi

Váldohoavda Marjo Kurki

Hálddahushoavda Teemu Jokinen

Bargoveahkahoavda Johanna Saukkonen

Ekonomiijahoavda Sanna Appelberg

Gulahallanhoavda Katja Huumo

Almmolaš ovdduidgohcima doaibmasuorgehoavda Laura Bister 

Ekonomiija- ja vealgerávvema doaibmasuorgehoavda Samu Eiro

Riekteveahki doaibmasuorgehoavda Olli Vilanka

Oktavuođadieđut

Doaimmahagaid oktavuođadieđut gávdnojit min neahttasiidduin suoma-, ruoŧa- ja eaŋgalasgillii.

Riikkaviidosaš telefonguovddáš tlf. 029 56 60010